description
2011-02-13, 18:54
المقادير :
للكيكة :
نص كوب زبدة ذايبة
3 بيضات
اربع ملاعق كريمة خفق
ملعقة صغيرة فانيلا
نص كوب سكر
كوب وربع طحين
ملعقة صغيرة بيكربونات الصودا
انا زودت من عندي ملعقة صغيرة بيكنج بودر
اما بالنسبة لطبقة اللوز و العسل :
مقاديرها :
•½ نصف كوب من الزّبدة
•¼ ربع كوب من السكّر
•¼ ربع كوب من العسل
•4 ملاعق كبيرة من كريمة الخفق
•2 كوبان من اللّوز المشرّح انا حطيت بس كوب
•1 ملعقة صغيرة واحدة من القرفة المطحونة
•1 بشارة برتقالة واحدة (استغنيت عنه حسيته يخرب النكهة )
الطريقة :
اول شي سخنت الفرن وخليتة يجهز
اخلطي البيض و السكر و الفانيلا الى ان ينفش الخليط
بعدين اضيفي الطحين و الصودا و البكنج بودر
في التهاية اضيفي الزبدو كريمة الخفق واخلطي الى ان يتجانس الخليط
الخليط راح يكون قليل عشان كذا استخدمي صينية قطرها حوالي 20 سم بس
انا استخدمت قالب الباي الكبير الي نسوي فيه باي التفاح ممكن تستخدمين اذا ماعندك البايركس اصغر حجم و لما تخلص الكيكة قطعيها مربعات وحطيها في اروراق بليسية تطلع روعة
طيب نرجع لموضوعنا ادهني القالب بالزيت وراح تطلع معك الكيكة من القالب بسهولة ودخليها على الفرن ربع ساعة بس حتى تتماسك الكيكة اثناء الربع ساعة هذي سوي خلطة اللوز حطي كل المكونات على النار الى ان تغلي وطلعي الكيكة بعد مرور ربع ساعة بس لاطفين الفرن عشان بنرجع الكيكة فيه وزعي خلطة اللوز و العسل على وجه الكيكة ثم دخليها الفرن ربع ساعة ثانية حتى يتحمر اللوز الي على وجه الكيكة بس خليك حولها لان اللوز بسسرعة يسود وبعد ماتطلع زينها بخطوط الهيرشي وبس ولا الذ ....
الحين الصور :
هذا شكلها بعد الفرن :::امم على الريحة
على التوقيع و الصورة الروعة 
